FAQ Play Suisse

Per acceder a Play Suisse sco er a servetschs persunals duvrais Vus in conto d'utilisader. Uschia pudais Vus per exempel sincronisar «Mia glista» sin tut ils apparats, guardar vinavant videos, survegnir recumandaziuns da cuntegn e newsletter individualisadas. Grazia al login pon persunas cun domicil en Svizra plinavant acceder als cuntegns da Play Suisse durant ina dimora transitorica en l'UE. Ulteriuras infurmaziuns davart il login survegnis Vus qua: FAQ davart il login

Um Ihren Fernseher mit Ihrem Play Suisse Konto zu verbinden, müssen Sie folgende Schritte befolgen:

1. Laden Sie die Play Suisse App aus dem Store Ihres Geräts herunter.
2. Starten Sie die TV-App und folgen Sie den Anweisungen, bis Sie einen 6-Stelligencode sehen.
3. Gehen Sie auf www.playsuisse.ch/tv
4. Registrieren Sie sich für ein Konto oder melden Sie sich an.
5. Geben Sie den auf dem Fernsehbildschirm angezeigten Code ein.
6. Und schon geht's los!

Die Verbindung Ihres Fernsehers kann auch mit der mobilen App Play Suisse hergestellt werden, indem Sie in Ihr Benutzerprofil gehen.

Per acceder a Play Suisse stuais Vus l'emprim far in conto via Voss computer. Lura pudais Vus telechargiar l'app ed As annunziar via Voss smartphone, tablet e Smart TV.
Ulteriuras infurmaziuns davart il login survegnis Vus qua: FAQ davart il login

Play Suisse è disponibel sin ils suandants apparats: ‍ ‍Computer / Web Voss computer sto disponer d'ina versiun actuala da Windows u da macOS sco era d'in browser actual. ‍ Smartphones e tablets IOs Android Actualisar ils sistems operativs sin la versiun la pli nova. ‍Televisiun Apple TV (a partir da tvOS 15) Tut ils apparats e tut las televisiuns cun access a Google Play a partir d'Android 7 (Xiaomi, Nvidia Shield, Sony Bravia, Google TV, e.u.v.) Swisscom blue TV App (versiun da las boxas IP1400, 1800 u 2000) Sunrise TV Samsung Tizen (models a partir dal 2018) LG Web Os (models a partir dal 2018) Philips Titan OS Net+ TV plus Quickline Amazon FireTV Chromecast

Chromecast è in apparat da streaming, cun il qual Vus pudais guardar sin Vossa televisiun serias, films, programs da sport u gieus da video e duvrar sco telecumond Voss smartphone, tablet u computer. ‍ Uschia vai:

1. Telechargiai Google Home sin voss smartphone u tablet.
2. Mettai il Chromecast-stick en ina da las connexiuns da HDMI da la televisiun e tscherni cun il telecumond HDMI sco funtauna.
3. Configurai Voss Chromecast-stick via Vossa rait da WLAN e suandai las instrucziuns en l'app Google Home (verifitgai che Vus essas collià cun la medema rait).
4. Avri l'app Play Suisse sin Vossa televisiun ed aviai il program giavischà cun cliccar sin il simbol da Chromecast.

Tscherts apparats da Smart-TV èn cumpatibels cun Chromecast, senza ch'i dovria in apparat da streaming. Ulteriuras infurmaziuns en quest connex chattais Vus en l'instrucziun da diever da Vossa televisiun.

Gea. Tut ils cuntegns èn disponibels en la lingua originala cun suttitels tudestgs, franzos e talians, tscherts cuntegns datti era cun suttitels rumantschs. Premess che las versiuns auditivas en autras linguas naziunalas èn disponiblas, vegnan quellas medemamain purschidas. Sporadicamain datti da vesair producziuns estras sin Play Suisse. Quellas vegnan, sche pussaivel, adina messas a disposiziun en la lingua originala, ils suttitels èn dentant disponibels era qua adina en almain trais linguas naziunalas, per part supplementarmain en englais.

Play Suisse porscha ina seria da cuntegns ch'èn da vesair exclusivamain sin la plattafurma da streaming, per exempel cooperaziuns cun festivals, material d'archiv u novas staflas da serias ch'ins n'ha anc betg pudì guardar cumplettamain en la televisiun.

Apaina che Voss cuntegns audiovisuals vegnan mussads, cliccai sutvart a dretga da Voss monitur sin il simbol per selecziunar las linguas ed ils suttitels.

Entant stattan a disposiziun sin Play Suisse passa 3000 titels.

Quai dependa sch'i sa tracta d'atgnas producziuns u da coproducziuns. Atgnas producziuns – pia producziuns che vegnan finanziadas exclusivamain cun il budget da la SRG SSR – po la SRG SSR metter a disposiziun online senza limita en il catalog da Play Suisse. Las coproducziuns èn accessiblas sin Play Suisse tranter 6 mais e 5 onns, tut tenor cunvegna cun ils possessurs dals dretgs.

Il catalog sa cumpona en emprima lingia d'atgnas producziuns da la SRG (SRF, RTS, RSI, RTR) sco era da coproducziuns. Per reflectar l'entira diversitad linguistica e culturala da la Svizra fa Play Suisse stim cun far la cumposiziun che sajan represchentads titels da las differentas regiuns e da las differentas coproducentas e coproducents da la SRG SSR.

1. Navigai tenor categorias: Play Suisse ordinescha ils cuntegns tenor ficziun, films documentars, famiglia e musica. La repartiziun en questas differentas categorias facilitescha a las utilisadras ed als utilisaders da chattar cuntegns giavischads.
2. Profitai da las recumandaziuns: La purschida funcziuna cun sistems da recumandaziun. Sin basa da Vossa utilisaziun As vegnan recumandads cuntegns che pudessan interessar Vus.
3. Retschertgai tenor temas: Ils cuntegns dal program èn structurads tenor temas. Tut ils cuntegns sa laschan chattar en la categoria «temas» sin l'interfatscha da l'utilisadra u da l'utilisader sut il chavazzin respectiv.
4. Tschertgai cun la funcziun da tschertga: Cun la funcziun da tschertga pudais Vus tschertgar chavazzins e titels. La funcziun da tschertga sa chatta sin l'interfatscha d'utilisader survart.

La newsletter ed ilsmessadis da push infurmeschan davart novs cuntegns en il catalog da Play Suisse davart novas funcziuns da la plattafurma da streaming. Ultra da quai vegnantramess regularmain cuntegns persunalisads ad utilisadras ed utilisaders ch'èns'annunziads per la newsletter. Tant da la newsletter sco era dals messadis da push pudais Vus As deconnectar da tut temp.

Play Suisse porscha in access illimità als programs da la SSR senza custs supplementars. La plattafurma offra a Vus las meglras producziuns e coproducziuns da RTR, SRF, RSI e RTS. Play Suisse vegn finanzià cun il budget regular da la SSR. Per las utilisadras ed ils utilisaders na resultan damai nagins custs supplementars.

Na, sin Play Suisse na datti tuttina sco sin las ulteriuras purschidas online da la SRG SSR nagina reclama. I po però esser che tscherts videos cuntegnan in sponsoring da l'emissiun correspundenta che vegn emessa en il program da televisiun. Tenor il dretg da radio e televisiun è la SRG SSR obligada da publitgar sin Play Suisse emissiuns cun il sponsoring correspundent tuttina sco quai ch'i vala era per las ulteriuras purschidas online da la SRG SSR.

Gea, sut las suandantas cundiziuns: - Vus avais Voss domicil en Svizra. - Vus essas en in stadi commember da l’UE. Persunas che vivan en Svizra e che fan in segiurn temporar en l’UE pon dar liber l’access als cuntegns da Play Suisse. Per motivs dals dretgs d’emissiun n’èsi actualmain betg pussaivel da dar liber l’access en pajais ordaifer l’UE. Sche utilisadras ed utilisaders da Play Suisse che vivan en Svizra èn temporarmain en il territori da l’UE, dastgan ils cuntegns da la plattafurma tuttina vegnir mess a disposiziun en la gronda part dals cas. Per che la SRG SSR possia lubir l’access davent da l’UE, è ella obligada da verifitgar ils lieus da dimora ed eventualmain il domicil. Igl è però pussaivel che singuls videos sin Play Suisse na pon betg vegnir mess a disposiziun per motivs giuridics en il territori da l'UE. Sche Vus activais l’access or da l’UE, pudais Vus sulettamain acceder al catalog da Play Suisse e betg a l’entira purschida da la SRG SSR. Ultra da quai dependa la disponibladad dals cuntegns en tscherts pajais da las cunvegnas cun ils possessurs dals dretgs da distribuir ils cuntegns respectivs u da las cundiziuns da basa giuridicas dal pajais correspundent. La SRG SSR dispona per regla be dals dretgs da publitgar cuntegns en Svizra ed en il Principadi da Liechtenstein.

Per dar liber l’access or da l'UE duvrais Vus in numer da telefonin svizzer sco er in domicil en Svizra. Cliccai sin il link sutvart per dar liber l’access a Play Suisse or da l'Uniun Europeica: dar liber l’access -As annunziai cun Voss Login SRG SSR. -Suandai las instrucziuns per verifitgar Voss numer da telefonin e Voss numer postal. Alternativamain pudais Vus far il suandant: Sche Vus essas gia en l’UE e duvrais l’app u la pagina d’internet: Suenter che Vus avais fatg il login cumpara in banner cotschen sisum il visur. -Cliccai sin «dar liber l’access». -As annunziai danovamain. -Suandai las instrucziuns per verifitgar Voss numer da telefonin e Voss numer postal via SMS. - Suenter che l' access è vegnì dà liber, stuais Vus eventualmain far in reset da l’app u chargiar da nov la pagina d’internet. - Ussa pudais Vus acceder a Voss films ed a Vossas serias preferidas! Sche Vus essas gia en l’UE ed utilisais l'app da televisiun: -Avri Play Suisse sin Vossa televisiun. -Selecziunai il cuntegn, al qual Vus vulais acceder. -I cumpara in’annunzia cun in code QR. -Scannai il code QR e suandai las instrucziuns sin Voss telefonin per verifitgar Voss numer da telefonin e Voss numer postal. -Sche tut ha funcziunà, vegn il cuntegn mussà automaticamain.

Tscherts access a l'internet, p.ex. en hotels u en auters hotspots publics, vegnan endrizzads via adressas dad IP (Internet Protocol) da l'exteriur. Perquai vegn Voss lieu da dimora percepì sco «a l'exteriur». Il medem po capitar, sche Vus accedis a noss servetschs via la colliaziun VPN (Virtual Private Network). Empruvai d'As colliar cun l'internet a maun dad in'adressa dad IP svizra, p.ex. via ina rait da telefonins.

Perquai ch'i na dat actualmain nagins cuntegns specifics per uffants e giuvenils sin Play Suisse n'èsi actualmain betg previs da crear in login specific per uffants e giuvenils. I dat dentant la categoria «famiglia», nua che geniturs chattan cuntegns adattads per l'entira famiglia. La SRG SSR ha sviluppà in sistem d'avis, cun il qual ella inditgescha cuntegns betg adattads per uffants e giuvenils. La signalisaziun da la vegliadetgna vegn visualisada – analogamain a la televisiun – cun ina strivla melna u cotschna, uschia che geniturs pon s'orientar bain.

Play Suisse utilisescha datas d'utilisadras e d'utilisaders tenor la Decleraziun davart la protecziun da datas valaivla. Ils detagls chattais Vus en las dumondas e respostas areguard la protecziun da datas.

Vus cuntanschais il servetsch da clientas e clients sut la suandanta adressa dad e-mail: support@playsuisse.ch

En cas d'in problem pli grond cun nossa pagina infurmain nus 24 uras a di sin noss chanals da social media. Per s'infurmar davart il status actual da la plattafurma da streaming sco era davart eventuals disturbis, visitai nossa pagina da status.