La plattafurma che reunescha la Svizra
Play Suisse è la plattafurma da streaming da la SRG SSR
Qua chattais Vus serias, films e documentaziuns da tut las regiuns linguisticas da la Svizra, en Vossa lingua, e quai cura e nua che Vus vulais.
Per lʼemprima giada insumma chattain nus tut las fassettas da la Svizra multifara en in lieu, accessiblas per ina e scadin e grazia als suttitels senza barrieras linguisticas. Quai è service public pur!
La plattafurma che unescha la Svizra
Films
Play Suisse reunescha il meglier dal film svizzer! Sin questa plattafurma chattais Vus films per mintga gust: cumedias captivantas, crimis plain tensiun e dramas commuventants. As laschai manar da Vossas preferenzas e da nossas propostas persunalisadas!
Serias
Numerus cuntegns pon ins guardar sin Play Suisse anc avant ch’els vegnian emess en la televisiun. As preparai per binge watching, pertge che sin Play Suisse As stattan a disposiziun enina tut las episodas da las pli novas serias svizras.
Documentaziuns
Las documentaziuns han sin Play Suisse in’impurtanza particulara: As approfundai en cuntradas impressiunantas, vivai l’istorgia d'emprim maun ubain emprendai dapli da temas che marcan la societad. E quai tut cumadaivlamain sin canapé.
Qua suna la musica
Era registraziuns da concerts, sco per exempel highlights dal Festival da jazz a Montreux e transmissiuns da grondas operas èn da chattar sin Play Suisse. Giudai muments magics al monitur.
In access optimà e senza interrupziun al film svizzer
Voss profil As pussibilitescha da midar senza problems d’in apparat a l’auter, e quai cun mantegnair Vossas preferenzas e cun porscher a Vus Voss programs preferids sin las suandantas medias:
Smartphones ed apparats mobils
iOS ed Android
TV
Swisscom blue TV, Apple TV, Android TV, Samsung TV, Sunrise TV, TV Plus, Amazon Fire TV, Philips TV, Chromecast, Quickline, Net+; ulteriurs suondan
Desktop-Computer
S’annunziar ussa gratuitamain
Play Suisse vegn finanzià cun la taxa da radio e televisiun, perquai fa l'utilisaziun part da la taxa annuala. Profitai ussa da Voss access gratuit – Vus stuais mo far in conto!
Play Suisse s’engascha per la coesiun da la Svizra. Perquai è la plattafurma vegnida undrada il 2022 en il rom dal Premi svizzer da federalissem.
Divers partenadis
Play Suisse porscha regularmain cuntegns producids exclusivamain da nossas partenarias e da noss partenaris en Svizra ed en l’Europa, uschia sa furman novas furmas da collavuraziun cun acturas ed acturs da l’industria cinematografica, da festivals, da l’art e da la cultura.
La European Collection
Tschintg partenaris, tschintg linguas ed in project communabel: la European Collection. Grazia a la collavuraziun unica tranter ARTE, ARD, ZDF, France Télévisions e la SRG SSR è questa collecziun da films documentars, da reportaschas e da formats-web davart temas actuals, politica e societad en l’Europa accessibla gratuitamain sin pliras plattafurmas, tranter auter sin Play Suisse. Uschia chatta l’entira Europa plazza sin Play Suisse!
Ils festivals
Play Suisse ha partenadis cun plirs festivals svizzers e serva sco vitrina da lur programs tschernids minuziusamain ed actualisads cuntinuadamain: qua chattais Vus ils megliers films e films curts dals festivals da film ils pli impurtants en Svizra sco era registraziuns da concerts da plirs decennis e da differents stils da musica.
