In di da nar – 24 uras al Vereina

Per che tut funcziunia han procurà quel di il schef dal transport d’autos al Vereina, Simon Rohner, cun 9 chargiaders da tren, 6 cassieras, 6 persunas da la Securitas e 7 cadettas e cadets da traffic, e quai als dus portals a Selfranga sper Claustra ed a Sagliains sper Lavin en l’Engiadina Bassa. E cun quai che tut è collià in cun l’auter, èn er anc ina dunsaina da maschinists e la centrala da gestiun a Landquart da la partida. Da l'emprim tren d'autos a las 05:05 fin a l'ultim la notg a las 00:40 han ils «Cuntrasts» documentà quest di da nar – tranter frains a maun stinads, management da colonnas, da quels cun e senza pazienza ed ina squadra, ch’è campiun en «far il tischlen» --- «far il tischlen»? Guardai ils «Cuntrasts», «come on, come on!».