Muntognas
La Svizra e ses culms. Per blers: in clisché; per Play Suisse e la SRG SSR: in dretg d’existenza. Pertge en questa selecziun, ch’è vegnida tschernida aposta per Vus, vegn la relaziun fundamentala dals Svizzers e da las Svizras cun las muntognas declinada en las pli differentas furmas. Igl è istorgias e legendas da la vita champestra, d’usits e da tradiziuns. L’equiliber economic ed ecologic difficil e la sminuziun annunziada dals glatschers en las Alps stattan en il center d’ina autra rubrica. I dat la muntogna ch’ins po scuvrir sulet u en cumpagnia, sin sendas ed en chamonas. I dat las muntognas dals alpinists e las aventuras extremas, nua ch'els provocheschan ils gigants dal Himalaya, da la Patagonia u dal Caucasus a pe u sin skis, cun resultats ch'els pon metter ad aut u laschar sfundrar en tragedias. E la finala datti anc blers auters aspects, intgins leghers, auters pli serius, da scuvrir sutvart.
I dat anc bler dapli da scuvrir
Play Suisse porscha access gratuit als megliers films, serias e documentaziuns svizras. Laschai surprender d’istorgias or da tut il pajais e guardai tge che Vus vulais, cura e nua che Vus vulais - gratuit.
Access nunlimità a las emissiuns da la SSR – senza custs supplementars
Play Suisse As porscha il meglier da las producziuns e coproducziuns da SRF, RTS, RSI e RTR. Damai che Play Suisse vegn finanzià via la SSR, na resultan nagins custs supplementars per utilisar la purschida.
Guardar televisiun a moda moderna sin Voss monitur preferì grazia ad in login
Tuttina sche Vus preferis la televisiun (Swisscom blue TV – disponibel sin la Swisscom Box e la TV-Box (UHD), Apple TV, Android TV), il smartfon u il computer: Play Suisse pudais Vus utilisar dapertut. Quai vul dir: midar senza interrupziun tranter differents apparats e guardar vinavant là, nua che Vus avais chalà, far glistas da favurits che Vus vulais guardar pli tard, crear cuntegns persunalisads ed anc bler auter pli.
Scuvri la Svizra senza barriera linguistica
Novitads, gronds success ed il meglier da noss archivs. Tut en la versiun originala suttitulada u sincronisada en tudestg, franzos, talian e mintgatant er en rumantsch.