Helveticus

Helveticus - stafla 1 (1/26) - -3000: Ils palissaders

Sie wurden von Bären aus ihren Höhlen gejagt und dann durch das Wasser des Sees aus ihren Häusern vertrieben. Vor 5.000 Jahren suchten die Schweizer einen sicheren Ort zum Bau ihrer Häuser und ließen sich auf Stelzen mitten im Wasser nieder.

Helveticus - stafla 1 (2/26) - 1230: La traversada dal Gottard

En il passà avevan ils abitants dal chantun Uri da far lungs viadis privlus per far visitas tar ils vischins dal chantun Tessin. Quai ha gì ina fin l'onn 1230, cura ch'il burgamester da l'Uri ha da l'incumbensa da bajegiar punts ed ina via segira. E per far quai eran ils Gualsers ils megliers

Helveticus - stafla 1 (3/26) - 1291: L'engirament dal Rütli

En il 13avel tschientaner prendevan laders ed il chastellan da Habsburg il plaschair da viver als abitants da la Svizra centrala futura. 1291 s'han 3 umens da las regiuns dal Uri, da Sviz e da la Silvania empermess da gidar in a l'auter - ed han qua tras fundà la Svizra.

Helveticus - stafla 1 (4/26) - 1307: Guglielm Tell

1307 sforza il chastellan Hermann Gessler ils abitants da Altdorf da demussar respect envers el entras trair la chapella cun ir sper in pal cun si sia chapella or. Guglielm Tell refusescha quai e vegn pervia da quai condemnà da sajettar in mail giud il chau da ses figl. Malgrad ch'il paliet tutga il mail vegn Tell arrestà. Ma el riva da fugir e daventa uschia in erox.

Helveticus - stafla 1 (5/26) -1386: Arnold da Winkelried

1386 era la schuldada austriaca avant Sempach, e nagut pareva d'als pudair frenar. Cun curaschi enorm s'ha Arnold da Winkelried bittà en las retschas da l'adversari uschia ch'ils Svizzers han pudì penetrar tras las lingias serradas dals austriacs.

1450: Il chaschiel svizzer

Si en las muntognas è il pastg pli verd e pli savurus. Las vatgas, ma er ils purs han plaschair da quai. Transportar il latg giu en las vals n'è betg simpel. Ed anc pli difficil èsi da conservar il latg. La schliaziun han ins chattà en per la mesadad dal 15avel tschientaner. Ins ha cummenzà a far il chaschiel ch'è oz renumnà sin l'entir mund.

1467: Clau da Flia

In siemi al lascha daventar in eremit per il rest da sia vita: 1467 lascha Clau da Flia anavos tut per ir sulet a far oraziun. La glieud al considerava sco in um sabi ed al dumandava savans per cussegl. Sia sabientscha, ses senn per giustia e sia neutralitad han marcà las valurs svizras.

1478: la battaglia da la crappa grossa

Ils confederads enconuschevan bain lur culms . Quai ha il duca da Milano stuì constatar l'onn 1478. Cunquai ch'el n'aveva betg tegnì sia empermischun da surlaschar la Leventina als Svizzers ha el pudì sa pervader da la pussanza da l'armada svizra.

1529: La schuppa da Kappel

1529 è rutta or ina guerra tranter protestants e catolics. Cunquai ch'ils generals preferivan il dialog tranter las duas fronts sa cumbattevan ils schuldads betg en la vischinanza da Turitg. Ma las duas truppas en dispita han lura in bel di mangià ensemen ina schuppa ed han fatg pasch.

1550: Johannes Calvin e l'industria d'uras e cliniez

En il 16avel tschientaner era cliniez in sinonim per perversitad. Il reverenda protestant Johannes Calvin al aveva scumandà. Da l'autra vart vegnivan las uras promovidas dad el per che la glieud na manchentia betg il temp per ir a messa. Ils juveliers da Genevra s'han perquai mess ensemen cun ils urers ed han uschia fatg bunas fatschentas.

1560: La tiba

Co sa regordan ils signuns da lur temp cun lur vatgas si d'alp? Els jadlan. Ma betg tuts èn buns chantadurs. Tge fan els sch'i n'han betg ina buna vusch per chantar? En il 16avel tschientaner han els chattà la schliaziun: la tiba.

1602: L'escalade da Genevra

Ina gronda padella cun schuppa chauda sin il chau e l'armada è davent. Tenor la legenda han las truppas da la Savoia capitulà l'onn 1602 suenter ch'ils Genevrins èn sa defendids cun quellas metodas nunusitadas. Dapi quel di festivescha la citad sia independenza cun padellas da tschigulatta.

1798-1803: Napoleon e la republica helvetica

Enturn l'onn 1800 sa dispitavan ils Svizzers davart la furma politica ch'els duain surprender. Sut l'influenza da Napoleon daventa la Confederaziun ina republica. Cura che las truppas franzosas avevan bandunà la Svizra avevan las dispitas danovamain cumenzà. Napoleon aveva lura formulà in'acta da mediaziun per schligiar il conflict.

1807: Barry, il chaun da lavinas

L'onn 1807 eri privlus da surmuntar a pe il pass dal Grond Son Bernard. Il privel da lavinas era enorm grond. Tenor la legenda viveva Barry en l'ospizi tar ils muntgs. El ha salvà la vita a pli che 40 victimas da lavinas. Grazia a quai è el daventà in erox naziunal da quatter chommas.

1862: Henri Dunant e la Crusch Cotschna

Schuldads blessads - e nagin che s'occupa dad els. Quai è il szenari sgarschaivel ch'il commerziant Henry Dunant vesa 1862 durant in viadi da fatschenta en la vischinanza da Solferino. El sa decida sin quai da fundar in'organisaziun che tgira ils blessads da la guerra: la Crusch Cotschna.

1864: Il turissem ed il sport d'emviern

La stad eran ils hotels plains, ma l'enviern vids. 1864 han ils hoteliers da San Murezzan perquai augmentà lur spierta: patineras e pistas da skis duevan attrair turists er ils mais d'enviern. Il boom ha dentanta cumenzà pir cun l'invenziun da la scarsola.

1864: La tschigulatta da latg e la pulvra da latg

L'istorgia dal pli grond concern da mangiativas dal mund ha cumenzà l'onn 1864 a Vevey en Svizra franzosa. Quel onn aveva il perfecziunist Henri Nestlé inventà la pulvra da latg. Ina benedicziun per ils uffants pitschens che na cumportavan il latg-mamma. Il vischin da Nestlé dultschiva cun quella pulvra sia tschigulatta amara.

1880: Johanna Spyri e Heidi

Aria netta da las muntognas e sulegl èn bun per la sanadad. Quai saveva er la scriptura Johanna Spyri l'onn 1880 cura ch'ella aveva tramess ses figl malsaun en las muntognas per puspè vegnir saun. Las cuntradas muntagnardas ed ils muntagnards sez l'han inspirà al roman "Heidi", in roman renumà sin l'enir mund.

1890: Il cunté svizzer

Igl era ordvart urgent ch'ils schuldads svizzers ch'eran exposts a las forzas enormas da la natira hajan a disposiziun in guaffen per reparar lur arma, per arver ina chista u tagliar davent roma ed auter. In fabricant da cuntels ingenius ha schlià il problem l'onn 1890: el ha inventà il cunté da satg svizzer.

1900: La buglia da Bircher

Granezza, latg, fritga e mel d'avieuls - il recept è simpel. Dr. Bircher l'ha descrit l'onn 1900 cura ch'el tschertgava ina tratga sana e gustusa per ses pazients e sias pazientas.

1905: Albert Einstein

Il pli grond fisicher en l'istorgia era tranter auter er Svizzer. Albert Einstein è la persunificaziun dal perscrutader e scheni. Dapi 1905 vala sia teoria da la relativitad sco crap da miglia en la fisica. Quella fa - almain en la teoria - ch'ils umans vegnan pli plaun vegls.

1956: Friedrich Dürrenmatt

Sia fantasia stravagada ed in conturn inspirant èn las essenzas essenzialas ch'han fatg che Friedrich Dürrenmatt è daventà famus. Il scriptur e dramaturg bernais ha scrit "Der Besuch der alten Dame". 1956 è quel teater vegnì mussà l'emprima giada a Turitg ed è suenter daventà famus sin l'entir mund.

1960: Alberto Giacometti

Inspirà dad umans en il clerglina cumenza il pictur grischun/bregagliot enturn ils onns 1950 a furmar sculpturas. L'artist n'è dentant betg cuntent cun sias ovras lungas e satiglas. Sia clientella però bain. Oz è Alberto Giacometti in dals sculpturs ils pli renumads sin l'entir mund.

1971: Il dretg da votar da las dunnas

Sch'il pievel svizzer aveva da prender decisiuns, lura avevan las dunnas da dir nagut. E quai na plascheva sa chapescha betg ad ellas. Pir l'onn 1971 han ellas survegnì suenter grondas protestas il dretg da votar.

Helveticus - stafla 1 (25/26) -1977: Jean Tinguely

Fieu, aua e canera. L'artist Jean Tinguely, naschì a Friburg, vuleva che sias ovras sa movan e fan canera. Las maschinas destruevan mintgatant schizunt sasezzas. 1977 l'han sias construcziuns rendì enconuschent sin l'entir mund.

1999: Bertrand Piccard ed il tur dal mund cun in ballun

Chi saja aut ensi u bass engiu - la famiglia Piccard ha dapi bleras generaziuns ristgà aventuras gagliardas. Suenter duas emprovas betg gartegiadas reusseschi a Bertrand Piccard l'onn 1999 da circumdar il mund en in ballun d'aria chauda. Ma bunamain fissi er questa giada ì en las chautschas.