Metta da fein

Metta da fein

CumediaRm
Sa registrar
En il pli bel vitg dal mund sumeglia in di a l'auter - enfin che la pasch vegn disturbada dad ina seria da mazzaments misterius dad animals.

Episodas

Metta da fein (1/4)

1

21 min

Metta da fein (1/4)

En il pli bel vitg dal mund è in di sco l'auter. Quai fin ch'in mazzamet brutal d'in animal turbla crudaivlamain la pasch. Entant che Aldo, il policist unfisà dal vitg, suspectescha ina gruppa da giuvenils, è Elvira, ina dunna fitg devota, persvasa ch'ina veglia ditga terribla daventa realitad. Linus, ses figl creschì, ma basegnus, n'ha betg autra letga che da suandar sia mamma dominanta.

Metta da fein (2/4)

2

25 min

Metta da fein (2/4)

Adina dapli animals daventan victima da l'assassin misterius. Aldo è surdumandà, ils purs grittentads ed il president communal ambizius al crititgeschan fermamain. Il policist spera da survegnir agid da Gabi, ina guardiaselvaschina autoritara. Entant procura Elvira per conflicts en vischnanca e vegn en dispita cun il plevon dal vitg che na sustegna betg sia premura religiusa excessiva.

Metta da fein  (3/4)

3

24 min

Metta da fein (3/4)

Cura che l'assassin cumenza era a mazzar animals da chasa, privescha il president communal Aldo dal cas. Elvira celebrescha ina messa per ses aderents ed attatga il plevon che la stgatscha ord baselgia. Ses figl Linus tschertga agid e refugi tar il plevon e sa senta finalmain chapì d'insatgi. Ravgentada ed offaisa vul Elvira bandunar il vitg cun Linus. Mo quel ha auters plans.

Metta da fein (4/4)

4

22 min

Metta da fein (4/4)

Il policist Aldo è decuraschà e patrugliescha solitariamain tras il vitg. Quai durant la festa dal vitg cun l’elecziun dal «Mister chatschadur», in eveniment spetgà cun brama. L'atmosfera festiva cupitga andetgamain, quai il mument che Linus drizza sia buis sin il president communal che tracta el plain spretsch. Aldo intervegn curaschusamain. La catastrofa na po dentant era el betg impedir dal tuttafatg. Ils mazzaments d'animals smettan, e la «Metta da fein»...

Einzelheiten

1 stafla | 2020
Gener
Cumedia

En il pli bel vitg dal mund chatt'ins regularmain bestgas mazzadas cun taglià giu las chommas. La pitschna cuminanza è agitada. Entant che tscherts abitants crajan ad ina veglia legenda brutala emprova il policist communal da sclerir il cas. Senza success. I dat anc dapli mazzaments e la disfidanza tranter la populaziun crescha. La seria da mazzaments chatta ina pitra fin - durant ina festa dal vitg vegni a la catastrofa.

Realisaziun

Carlo Beer

Urs Berlinger

Producziun

Filmgerberei GmbH

RTR

SRG SSR

Scenari

Carlo Beer

Urs Berlinger

Alexander Seibt

Distribuziun da las rollas

René Schnoz

Tina Bundi

Roman Weishaupt

Curdin Caviezel

Ursin Derungs

Marietta Jemmi

David Flepp

Gian Carlo Capaul

Laura Maria Schmed

Lucas Defuns

Margreta Riedi

Guido Caviezel

Angela Collenberg

La nova plattafurma da streaming da la Svizra

Qua chattais Vus ils megliers films e las meglras serias e docus – senza custs supplementars. L'entira purschida da films e serias en la versiun originala cun suttitels u sincronisada, propostas persunalisadas per films, serias e collecziuns spezialas. Tut quai che Vus duvrais è in login.

Access nunlimità a las emissiuns da la SSR – senza custs supplementars

Play Suisse As porscha il meglier da las producziuns e coproducziuns da SRF, RTS, RSI e RTR. Damai che Play Suisse vegn finanzià via la SSR, na resultan nagins custs supplementars per utilisar la purschida.

Guardar televisiun a moda moderna sin Voss monitur preferì grazia ad in login

Tuttina sche Vus preferis la televisiun (Swisscom blue TV – disponibel sin la Swisscom Box e la TV-Box (UHD), Apple TV, Android TV), il smartfon u il computer: Play Suisse pudais Vus utilisar dapertut. Quai vul dir: midar senza interrupziun tranter differents apparats e guardar vinavant là, nua che Vus avais chalà, far glistas da favurits che Vus vulais guardar pli tard, crear cuntegns persunalisads ed anc bler auter pli.

Scuvri la Svizra senza barriera linguistica

Novitads, gronds success ed il meglier da noss archivs. Tut en la versiun originala suttitulada u sincronisada en tudestg, franzos, talian e mintgatant er en rumantsch.

Sa registrar